Molgas

VECIÑOS DE BAÑOS DE MOLGAS REIVINDICAN A SANIDADE QUE CUBRA A BAIXA DUN MEDICO

Fai mais dun ano que a praza esta sen dotar pola Consellería.

 Xaime Oscar Iglesias presidente da Federación de Asociacións de veciños “Val do Arnoia”, de Baños de Molgas, entregará o vindeiro venres día 15 ás 12 da mañán, as máis de 700 sinaturas recollidas para que a Consellería de Sanidade cubra unha das prazas de médico que dende fai mais dun ano esta vacante por mor dunha baixa.

A entrega das sinaturas terá lugar no edificio administrativo da Xunta de Galicia en Ourense. Despois de que todas as asociacións de veciños e outros colectivos colaboraran na recollida das sinaturas dado o malestar existente entre os veciños e os perxuizos e molestias que a falta do facultativo lles está a ocasionar.

Os representantes veciñais xa pediron tamén un pronunciamento e apoio da corporacion municipal e demandan que se cubra xa a praza que lembran esta asignada a este concello e cuxa falta, dende fai máis dun ano, merma considerablemente a calidade da asistencia sanitaria, á que lembran “todos temos dereito”.

A recollida de sinaturas foi un éxito total lográndose que a maioría dos veciños apoiase a inicitiva e a Federación non descarta outras medidas se esta xusta reivindicación non é atendida, cousa que sinalan, noutros concellos non pasa.

Para calquera aclaración ou mais información: Xaime Telf: 609728746